Кеден одағы Кеден кодексінің 280-бабы 2-тармағына сәйкес Еуразиялық экономикалық комиссия Алқасы шешті:
1. Кеден одағы Комиссиясының 2010 жылғы 20 қыркүйектегі № 375 шешімімен бекітілген Уақытша әкелудің шекті мерзімдері Кеден одағының Кеден кодексінде белгіленгеннен ұзағырақ болып белгіленетін тауарлар санаттарының тізбесіндегі 4 позицияда екінші бағандағы мәтін мынадай редакцияда жазылсын:
"Азаматтық авиация ұшақтарына техникалық қызмет көрсетуге немесе оларды жөндеуге арналған, өздеріне қатысты кедендік әкелу баждарын, салықтарды төлеуден толық босату ұсынылған уақытша әкелінетін қозғалтқыштар, қосалқы бөлшектер және жабдықтар".
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
В. Христенко |