Қазақстан Республикасының мемлекеттiк Медетшi банкi туралы

      Республикада төлем тәртiбiн қалпына келтiру, акцияларының бақылау пакетi мемлекет қарамағындағы төлем қабiлетi жоқ мемлекеттiк және акционерлiк кәсiпорындардың қаржылық жағдайын нығайту мақсатында қаулы етемiн:
      1. Қазақстан Республикасының Министрлер Кабинетi:
      - Қазақстан Республикасының мемлекеттiк Медетшi банкiн төрт жылдан аспайтын мерзiмге құрсын;
      - жыл сайын бюджеттердiң жобаларында Қазақстан Республикасының мемлекеттiк Медетшi банкiнiң жарғылық қорын қалыптастыру мен толықтыруға қаражат көзделсiн; - Қазақстан Республикасының мемлекеттiк Медетшi банкiнiң аппаратын орналастыру үшiн Алматы қаласынан үй-жай бөлсiн және осы қаулыдан туындайтын өзге де қажеттi шараларды жүзеге асыратын болсын. 2. Осы қаулы қол қойылған күнiнен бастап күшiне енедi. Қазақстан Республикасының Президентi