Күші жойылды - Қазақстан Республикасы Үкіметінің 2008.02.20. N 171 Қаулысымен.
Ел экономикасының мұқтаждары үшін мазуттың жеткiліктi қорын жасау қажеттiлiгiне байланысты және Қазақстан Pecпубликасының 2003 жылғы 5 сәуiрдегi Кеден кодексiнің 8-бабына сәйкес Қазақстан Республикасының Үкiметi қаулы етеді:
1. 2004 жылғы 1 наурызға дейiн мазутты (ТМД СЭҚ TH коды 2710 00 710-2710 00 780) Қазақстан Республикасының аумағынан әкетуге тыйым салынсын.
2. Қазақстан Pecпубликасының Кедендiк бақылау агенттiгi осы қаулының 1-тармағын орындау жөнінде қажеттi шаралар қабылдасын.
3. Қазақстан Республикасының Сыртқы iстер министрлiгi белгіленген тәртiппен Еуразиялық экономикалық қоғамдастықтың Интеграциялық комитетiн осы қаулының 1-тармағына сәйкес Қазақстан Pecпубликасының аумағынан мазуттың әкетiлуiне тыйым салуды енгізетіндігі туралы хабардар етсiн.
4. Осы қаулының орындалуын бақылау Қазақстан Республикасы Премьер-Министрiнің орынбасары С.М.Мыңбаевқа жүктелсiн.
5. Осы қаулы жарияланған күнiнен бастап күшіне енедi.
Қазақстан Республикасының
Премьер-Министрі