Қазақстан Республикасының Үкiметi қаулы етеді:
1. Қазақстан Республикасы Президентiнiң "Қазақстан Республикасының Азаматтық және саяси құқықтар туралы халықаралық пактiге және Экономикалық, әлеуметтiк және мәдени құқықтар туралы халықаралық пактiге қол қоюы туралы" Жарлығының жобасы Қазақстан Республикасы Президентiнiң қарауына енгізiлсiн.
2. Қазақстан Республикасы Үкiметiнiң "Қазақстан Республикасы Президентiнiң "Қазақстан Республикасының Азаматтық және саяси құқықтар туралы халықаралық пактiге және Экономикалық, әлеуметтiк және мәдени құқықтар туралы халықаралық пактiге қол қоюы туралы" Жарлығының жобасы туралы" 2003 жылғы 11 сәуiрдегi N 349 қаулысының күшi жойылды деп танылсын.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасында адамның негiзгi құқықтары мен бостандықтарын нығайту және оның демократиялық қағидаттарға адалдығын растау мақсатында қаулы етемін:
1. Бiрiккен Ұлттар Ұйымының Бас Ассамблеясы 1966 жылғы 16 желтоқсанда Нью-Йорк қаласында қабылдаған Азаматтық және саяси құқықтар туралы халықаралық пактiге және Экономикалық, әлеуметтiк және мәдени құқықтар туралы халықаралық пактiге (бұдан әрi -
Пактiлер) қол қойылсын.
2. Қазақстан Республикасының Бiрiккен Ұлттар Ұйымы жанындағы Тұрақты өкiлi Ержан Қозыұлы Қазыхановқа Пактiлерге қол қоюға және оларды бекiту кезiнде қосымша түсiнiктер тұжырымдау мүмкiндiгi туралы мәлiмдеуге өкiлеттiк берiлсiн.
3. Қазақстан Республикасының Сыртқы iстер министрлiгi Ержан Қозыұлы Қазыхановқа Пактiлерге қол қоюға өкiлеттiктер сертификатын берсiн.
4. Осы Жарлық қол қойылған күнiнен бастап күшiне енедi.
Қазақстан Республикасының
Президенті