Қазақстан Республикасының 2004 жылғы 24 сәуірдегі Бюджет кодексіне сәйкес Қазақстан Республикасының Үкіметі ҚАУЛЫ ЕТЕДІ :
1.»"2006 жылға арналған республикалық бюджеттік бағдарламалардың паспорттарын бекіту туралы" Қазақстан Республикасы Үкіметінің 2005 жылғы 12 желтоқсандағы N 1235 қаулысына мынадай толықтырулар енгізілсін:
көрсетілген қаулыға 378-қосымшада :
"Бюджеттік бағдарламаны іске асыру жөніндегі іс-шаралар жоспары" деген 6-тармақ кестесінің 5-бағанында:
реттік нөмірі 3-жол мынадай мазмұндағы 8-тармақпен толықтырылсын:
"8. ЭҚАБЖ пайдаланушыларды оқыту.";
реттік нөмірі 4-жол мынадай мазмұндағы 4-тармақпен толықтырылсын:
"4. КZ доменін басқару орталығын технологиялық жарақтандыру:
1) техникалық құралдарды сатып алу.";
"Бюджеттік бағдарламаны орындаудан күтілетін нәтижелер" деген 7-тармақта:
Тікелей нәтижеде:
2-тармақ мынадай мазмұндағы 4) тармақшамен толықтырылсын:
4) ЭҚАБЖ пайдаланушыларды оқыту.";
3-тармақ мынадай мазмұндағы 4) тармақшамен толықтырылсын:
"4) КZ доменін басқару орталығын технологиялық жарақтандыру:
техникалық құралдарды сатып алу.";
Соңғы нәтижеде:
2-тармақ мынадай мазмұндағы абзацпен толықтырылсын:
"1280 ЭҚАБЖ пайдаланушыларды (мемлекеттік қызметшілерді) оқыту.";
3-тармақ мынадай мазмұндағы 4) тармақшамен толықтырылсын:
"4) толыққанды КZ доменін басқару орталығын құру.";
Сапада:
2-тармақ мынадай мазмұндағы 4) тармақшамен толықтырылсын:
"4) мемлекеттік қызметшілер жұмысының жеделдігін арттыру.";
3-тармақ мынадай мазмұндағы 4) тармақшамен толықтырылсын:
"4) КZ доменін басқару орталығының сенімді жұмыс істеуін қамтамасыз ету.".
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі