Қазақстан Республикасы Президентiнiң "Қазақстан Республикасының қаржы, салық және кеден қызметiн қайта құру туралы" 1992 жылғы 12 қарашадағы N 963 Жарлығына сәйкес Қазақстан Республикасының Министрлер Кабинетi қаулы етедi:
1. Қаржы, салық iсi, бухгалтерлiк есеп, кеден қызметi және басқа нарық экономикасының мамандықтары саласында кадр даярлау жөнiндегi бiрiншi кезектегi шараларды жүзеге асыру мақсатында Ақмола және Семей қаржы-экономика техникумдары Қазақстан Республикасы Бiлiм министрлiгiнiң қарамағының алынып, Қазақстан Республикасы Қаржы министрлiгiнiң тiкелей бағыныстылығына берiлсiн.
2. Қазақстан Республикасының Қаржы министрлiгi Ақмола және Семей қаржы-экономика техникумдарын ұстауға қажеттi қаражат бөлетiн болсын.
3. Қазақстан Республикасы Министрлер Кабинетiнiң "Республиканың арнаулы орта оқу орындарының бағыныстылығы туралы" 1992 жылғы 8 мамырдағы N 417 қаулысымен (Қазақстан Республикасының ПҮАЖ, 1992 ж., N 19, 310 бап) бекiтiлген, бұрын одақтық бағыныста болған және Қазақстан Республикасының министрлiктерiне берiлген арнаулы орта оқу орындарының тiзбесiнен Семей және Целиноград қаржы-экономика техникумдары шығарылсын.
4. Қазақстан Республикасы Премьер-министрiнiң Бiрiншi орынбасарының 1992 жылғы 18 мамырдағы N 7-7 өкiмiнiң 1-тармағының үшiншi абзацы мен 2-тармағы екiншi абзацының күшi жойылған деп танылсын.
Қазақстан Республикасының
Премьер-министрi