Қазақстан Республикасы Сыртқы iстер министрлiгi дипломатиялық қызметкерлерiнiң жұмыс ерекшелiгiн ескере отырып, Қазақстан Республикасының Министрлер Кабинетi қаулы етедi:
1. Қазақстан Республикасы Сыртқы iстер министрлiгi орталық аппаратының дипломатиялық шенi бар қызметкерлерiне өкiлдiк киiм-кешегiнiң құнына 3,44 лауазымдық жалақы мөлшерiнде жыл сайын ақшалай өтем жасалсын.
2. Қазақстан Республикасының Сыртқы iстер министрлiгi Қазақстан Республикасы Қаржы министрлiгiнiң келiсуi бойынша Сыртқы iстер министрлiгi қызметкерлерiн өкiлдiк киiм-кешекпен жабдықтау туралы Ереженi бекiтсiн.
3. Қазақстан Республикасының Қаржы министрлiгi аталған мақсатқа жыл сайын республикалық бюджеттен сом есебiмен және шетел валютасында қажеттi қаржы бөлiнуiн қамтамасыз етсiн.
Қазақстан Республикасының
Премьер-министрi