Күші жойылды - Қазақстан Республикасы Үкіметінің 2008.04.23 N 381 Қаулысымен.
"Ащысай полиметалл комбинаты" акционерлiк қоғамын қаржылай сауықтыру, инвестициялар, озық технологияларды тарту және кәсiпорынды тиiмдi басқарудың оң тәжiрибесiн жинақтау мақсатында Қазақстан Республикасының Министрлер Кабинетi қаулы етедi:
1. "Ривер" Интернешнл С.А." компаниясының "Ащысай полиметалл комбинаты" акционерлiк қоғамының мемлекеттiк акциялар пакетiн оған басқаруға беру туралы ұсынысы қабылдансын.
2. Қазақстан Республикасының Мемлекеттiк мүлiктi басқару жөнiндегi мемлекеттiк комитетiне "Ащысай полиметалл комбинаты" акционерлiк қоғамының мемлекеттiк акциялар пакетiн басқаруға "Ривер Интернешнл С.А." компаниясымен контракт жасау тапсырылсын.
Қазақстан Республикасының Мемлекеттiк мүлiктi басқару жөнiндегi мемлекеттiк комитетi төрағасына Қазақстан Республикасы Үкiметiнiң атынан аталған контрактiге қол қоюға өкiлеттiк берiлсiн.
3. Қазақстан Республикасының Мемлекеттiк мүлiктi басқару жөнiндегi мемлекеттiк комитетi:
"Ащысай полиметалл комбинаты" акционерлiк қоғамын "Ақ сұңқар" мемлекеттiк холдинг компаниясының құрамынан;
"Оңтүстiк Қазақстан облысының Кентау қаласының экономикасын дағдарыс жағдайынан шығару жөнiндегi шаралар туралы" Қазақстан Республикасы Министрлер Кабинетiнiң 1994 жылғы 5 шiлдедегi N 757 қаулысына
P940757_
сәйкес жасалған контрактiнiң бүкiл мерзiмiне оны республикалық бюджеттен қаржыландыруға қалдырып, "Ащысай полиметалл комбинаты" акционерлiк қоғамының құрамынан "Су құю" еншiлес кәсiпорнын заңдарда белгiленген тәртiппен шығарсын.
4. Қазақстан Республикасының Өнеркәсiп және сауда министрi кәсiпорынды басқару құқығына аталған контрактi шарттарының орындалуына бақылау жасау жөнiндегi өкiлiн тағайындап, оған осы қаулының жүзеге асырылуы бойынша мемлекеттiк органдардың қызметiн үйлестiрудi жүктесiн.
Қазақстан Республикасының
Премьер-министрi