Қазақстан Республикасының Үкіметі қаулы етеді:
1. Қазақстан Республикасы Денсаулық сақтау, білім және спорт министрлігін (бұдан әрі - Министрлік) 1999 жылғы 1 шілдеге дейін Астана қаласына орналастыру жүзеге асырылсын.
2. Министрлік Астана қаласына орналасқаннан кейін Министрліктің Алматы қаласындағы өкілдігі ашылсын.
3. Министрліктің қызметкерлеріне басқа жерге (Астана қаласына) ауысуы кезінде Астана қаласына орналасқан мемлекеттік органдар орталық аппараттарының қызметкерлері үшін заңдарда көзделген кепілдіктер мен өтемақылар қолданылады деп белгіленсін.
3-1. Қазақстан Республикасы Денсаулық сақтау, білім және спорт министрлігінің көшірілетін қызметкерлерінің нормативі штат санының белгіленген лимитінің отыз процентінде (56 адам) белгіленсін. <*>
Ескерту. 3-1-тармақпен толықтырылды - ҚР Үкіметінің 1999.06.22. N 822 қаулысымен .
4. Көрсетілген төлемдер Министрліктің басқару аппаратын ұстауға 1999 жылға арналған шығыстардың шегінде ағымдағы ұстауға арналған шығыстарды қысқартудың есебінен жүзеге асырылсын.
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі