"Қарағанды көмір" ашық үлгідегі акционерлік қоғамының (одан әрі - Қоғам) шахталары мен "Абай Көмір LTD" жауапкершілігі шектеулі серіктестігінің шахталарындағы қауіпсіздікті қамтамасыз ету, болуы мүмкін метан газының жарылуы мен жер асты өрттері салдарының болжамсыз апаттары мен авариялардың алдын алу мақсатында Қазақстан Республикасының Үкіметі қаулы етеді:
1. Қазақстан Республикасының Энергетика, индустрия және сауда министрлігі "Қарағанды шахта тарату" республикалық мемлекеттік мамандандырылған кәсіпорны арқылы заңдарда белгіленген тәртіппен:
1) Қоғамның N 1 және 2 шахталарын 2000 жылдан бастап, аталған
Қоғамның N 3 шахтасын 2002 жылдан бастап;
2) "Абай Көмір LTD" жауапкершілігі шектеулі серіктестігінің шахтасын
2001 жылдан бастап жабу жөніндегі техникалық шаралардың жүргізілуін
қамтамасыз етсін.
2. Осы қаулының 1-тармағында көрсетілген шаралар жоспарланған
жылдардағы республикалық бюджетте осы мақсаттарға көзделген қаражат
есебінен және соның шегінде жүзеге асырылсын.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Икебаева А.Ж.