Ұлттық кинематография жүйесiн басқаруды жетiлдiру, халықтық дәстүрлер мен рухани қазыналарды қайта түлетуде кино өнерiнiң ролiн арттыру мақсатында қаулы етемiн:
1. Қазақ мемлекеттiк кинобейнефильмдер шығару, жалға беру және көрсету жөнiндегi концернi, оның құрамына кiретiн республикалық, облыстық, Алматы және Ленинск қалалық кинобейнеұйымдармен, кәсiпорындармен және бiрлестiктермен қоса Қазақстан Республикасы Министрлер Кабинетi жанындағы "Қазақкино" мемлекеттiк кинокомпаниясы ("Қазақкино" мемкомпаниясы) болып қайта құрылып, оған мемлекеттiк басқару органының мәртебесi берiлсiн.
2. "Қазақкино" мемкомпаниясы жергiлiктi әкiмшiлiктер жанындағы кинематография органдарымен бiрге республиканың бiрыңғай кинематография жүйесiн құрайды деп белгiленсiн.
3. Қазақстан Республикасының Мемлекеттiк мүлiк жөнiндегi мемлекеттiк комитетi "Қазақкино" мемкомпаниясына оның құрамына кiретiн бiрлестiктердiң, кәсiпорындар мен ұйымдардың, "Қазақкино-бөлшек" акционерлiк қоғамының мемлекеттiк мүлкiн иелену, пайдалану және басқару құқын берсiн.
4. Қазақстан Республикасының Министрлер Кабинетi:
- екi айлық мерзiм iшiнде "Қазақкино" мемкомпаниясы туралы
Ереженi бекiтсiн.
- "Қазақкино" мемкомпаниясының материалдық-техникалық базасын нығайтуға, оның қызметкерлерiнiң еңбек және тұрмыс жағдайларын жақсартуға бағытталған шаралар қабылдансын.
5. Осы Жарлық жарияланған сәттен бастап күшiне енедi.
Қазақстан Республикасының
Президентi