Қазақстан Республикасында көшi-қон және демографиялық процестердi реттеу мақсатында қаулы етемiн:
1. Қазақстан Республикасының Көшi-қон және демография жөнiндегi агенттiгi - Қазақстан Республикасы Үкiметiнiң құрамына кiрмейтiн Орталық атқарушы орган (бұдан былай - Агенттiк) құрылсын.
Агенттiктiң негiзгi мiндеттерi көшi-қон процесiн басқару және халық санының өсуi жөнiндегi саясатты қамтамасыз ету болып табылады.
2. Қазақстан Республикасының Үкiметi:
1) бiр ай мерзiмде Агенттiк туралы ереженi әзiрлеп, бекiтетiн болсын;
2) Қазақстан Республикасы Үкiметiнiң бұрын шығарылған актiлерiн осы Жарлыққа сәйкес келтiрсiн;
3) осы Жарлықтан туындайтын өзге де қажеттi шараларды қолдансын.
3. Осы Жарлық жарияланған күнiнен бастап күшiне енедi.
Қазақстан Республикасының
Президентi