Ескерту. Күші жойылды – ҚР Әділет министрінің 05.03.2019 № 103 (алғашқы ресми жарияланған күнінен бастап қолданысқа енгізіледі) бұйрығымен.
"Әділет органдары" туралы Қазақстан Республикасы Заңының 7-бабына сәйкес, БҰЙЫРАМЫН:
1. Қазақстан Республикасы Әділет Министрінің "Қазақстан Республикасы нормативтік құқықтық актілерінің ресми мәтіндерін кейіннен жариялауға сараптама өткізу және құқық беру жөніндегі Нұсқаулықты бекіту туралы" (Қазақстан Республикасы нормативтік құқықтық актілерінің мемлекеттік тізілімінде N 2021 болып тіркелген) 2002 жылғы 22 қазандағы N 155 бұйрығына мынадай өзгерістер мен толықтырулар енгізілсін:
2, 3 тармақтарда:
"Нормативтік құқықтық актілерді жүйелеу мен жинақтау басқармасына" деген сөздер "Заң жобалау қызметін үйлестіру, заңнаманы жүйелеу департаментіне" деген сөздермен ауыстырылсын";
5 тармақта:
"Қазақстан Республикасының Әділет вице-Министрі Р.Ш. Шамсутдиновке" деген сөздер "Қазақстан Республикасының жетекшілік ететін Әділет вице-министріне" деген сөздермен ауыстырылсын;
Қазақстан Республикасы нормативтік құқықтық актілерінің ресми мәтіндерін кейіннен жариялауға сараптама өткізу және құқық беру жөніндегі Нұсқаулыққа:
3-тармақтың екінші абзацында:
"Нормативтік құқықтық актілерді жүйелеу мен жинақтау басқармасына (бұдан әрі - Басқарма)" деген сөздер "Заң жобалау қызметін үйлестіру, заңнаманы жүйелеу департаментіне (бұдан әрі - Департамент)" деген сөздермен ауыстырылсын;
4, 11, 13, 14-тармақтарда:
"Басқарма", "Басқармада" деген сөздер "Департамент", "Департаментте" деген сөздермен ауыстырылсын;
9-тармақ мынадай редакцияда жазылсын:
"Қазақстан Республикасының нормативтік құқықтық актілерінің ресми мәтіндерін кейіннен жариялауға құқық беру туралы шешім жетекшілік ететін вице-министр қорытындыны бекіткеннен кейін тиісті мөртаңба (2-қосымшаға сәйкес) қою арқылы ресімделеді";
бірінші абзац мынадай мазмұндағы сөйлеммен толықтырылсын:
"Мөртаңбаны Ішкі әкімшілік департаментінің директоры қояды";
екінші абзац мынадай мазмұндағы сөйлеммен толықтырылсын:
"Мөртаңба Ішкі әкімшілік департаментінде сақталады".
15-тармақта:
"Қосымшаға" деген сөздің алдынан "1-" деген санмен толықтырылсын;
17 тармақта:
"Басқарма бастығы" деген сөздер "Департамент директоры" деген сөздермен ауыстырылсын;
Нұсқаулыққа қосымшаның жоғарғы оң жақ бұрышындағы "Қосымша" деген сөздің алдынан "1-" деген санмен толықтырылсын;
Осы бұйрыққа қосымшаға сәйкес 2-қосымшамен толықтырылсын.
2. Осы бұйрықтың орындалуын бақылау Қазақстан Республикасының жетекшілік ететін Әділет вице-министріне жүктелсін.
3. Осы бұйрық мемлекеттік тіркелген күнінен бастап күшіне енеді.
Қазақстан Республикасының | |
Әділет министрі |
| Қазақстан Республикасы Әділет министрінің 2003 жылғы 5 қыркүйектегі N 182 бұйрығына Қосымша Қазақстан Республикасы нормативтік құқықтық актілерінің ресми мәтіндерін кейіннен жариялауға сараптама өткізу және құқық беру жөніндегі Нұсқаулығына 2-қосымша |
РЕСМИ МӘТІН
Қазақстан Республикасының
Әділет министрлігі