Күші жойылды - Республикалық бюджеттің атқарылуын бақылау жөніндегі есеп комитеті Төрағасының 2011.08.18 № 2-НП (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.
Қазақстан Республикасы Бюджет кодексінің 141-бабының 19) тармақшасына сәйкес Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДI:
1. «Сыртқы мемлекеттік қаржылық бақылауды жүргізу ережесін бекіту туралы» Республикалық бюджеттің атқарылуын бақылау жөніндегі есеп комитетінің 2009 жылғы 27 наурыздағы № 4 қаулысына (Нормативтік құқықтық актілерді мемлекеттік тіркеу тізілімінде № 5643 тіркелген, «Заң газеті» газетінде 2009 жылғы 3 маусымда, № 25 (1679) жарияланған) мынадай өзгеріс енгізілсін:
көрсетілген қаулымен бекітілген Сыртқы мемлекеттік қаржылық бақылауды жүргізу ережесінде:
44-тармақ мынадай редакцияда жазылсын:
«44. Бақылауды жүргізу туралы тапсырмалар «Мемлекеттік құпиялар туралы» және «Жеке кәсіпкерлік туралы» Қазақстан Республикасының Заңдарына сәйкес жүргізілетін бақылауды қоспағанда, құқықтық статистика және арнайы есепке алу саласындағы уәкілетті органда немесе оның аумақтық бөлімшелерінде Қазақстан Республикасының заңнамасында айқындалған тәртіппен тіркеліп, ал кейіннен есептен алынуға жатады.».
2. Республикалық бюджеттің атқарылуын бақылау жөніндегі есеп комитетінің аппарат басшысы Е.Қ. Сыздықов Қазақстан Республикасының Әділет министрлігінде осы қаулының мемлекеттік тіркелуін қамтамасыз етсін.
3. Осы қаулы алғаш ресми жарияланған күнінен бастап қолданысқа енгізіледі.
Төраға О. Өксікбаев