БҰЙЫРАМЫН:
1. "Арнайы экономикалық және индустриялық аймақтар мәселелері бойынша үлгілік шарттардың, өтініш пен сауалнамалардың нысандарын бекіту туралы" Қазақстан Республикасы Индустрия және инфрақұрылымдық даму министрінің 2019 жылғы 19 шілдедегі № 522 бұйрығына (Нормативтік құқықтық актілердің мемлекеттік тіркеу тізілімінде № 19067 болып тіркелген) мынадай өзгеріс енгізілсін:
5-қосымшаның 14-тармағының 1) тармақшасы мынадай редакцияда жазылсын:
"14. Басқарушы компания:
1) АЭА қатысушыларының қызметті жүзеге асыруы туралы шарттар талаптарының орындалуына, оның ішінде қызметтің басым түрлеріне сәйкестігіне тұрақты негізде мониторингті жүзеге асыруға міндетті.
Бұзушылық анықталған кезде 3 жұмыс күні ішінде бұл туралы бюджетке салықтар мен төлемдер түсімдерін қамтамасыз ету саласындағы уәкілетті органға хабарлауы қажет;".
2. Қазақстан Республикасы Өнеркәсіп және құрылыс министрлігінің Өнеркәсіптік инфрақұрылымды және елішілік құндылықты дамыту департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Өнеркәсіп және құрылыс министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасы
"КЕЛІСІЛГЕН"
Қазақстан Республикасының
Қаржы министрлігі
"КЕЛІСІЛГЕН"
Қазақстан Республикасының
Ұлттық экономика министрлігі