Қазақстан Республикасы Үкiметiнiң "Астана қаласындағы әуежайды қайта жаңарту жобасын қаржыландыру үшiн қаражат тарту жөнiндегi шаралар туралы" 1998 жылғы 1 сәуiрдегi N 278 P980278_ және "Қазақстан Республикасының мемлекеттiк кепiлдiгi бар мемлекеттiк емес сыртқы заемды қайта қаржыландыру туралы" 1998 жылғы 12 маусымдағы N 529 P980529_ қаулыларына сәйкес тартылған Қазақстан Республикасының мемлекеттiк кепiлдiгiмен сыртқы мемлекеттiк емес заемды алудың рәсiмiн жеделдету мақсатында, сондай-ақ дефолт фактiлерiн болдырмау мақсатында Қазақстан Республикасының Үкiметi қаулы етедi:
Қазақстан Республикасы Үкiметiнiң кейбiр шешiмдерiне мынадай өзгерiстер енгiзiлсiн:
"Астана қаласындағы әуежайды қайта жаңарту жобасын қаржыландыру үшiн қаражат тарту жөнiндегi шаралар туралы" Қазақстан Республикасы Үкiметiнiң 1998 жылғы 1 сәуiрдегi N 278 қаулысына:
2-тармақтың 2) тармақшасы мынандай редакцияда жазылсын;
"2) Ақмола қоры" жабық акционерлiк қоғамы осы тармақтың 1) тармақшасында көрсетiлген заемшы және заемға қызмет көрсету жөнiндегi агент болып белгiленсiн;
"Қазақстан Республикасының мемлекеттiк кепiлдiгi бар мемлекеттiк емес сыртқы заемды қайта қаржыландыру туралы" Қазақстан Республикасы Үкiметiнiң 1998 жылғы 12 маусымдағы N 529 қаулысында:
4-тармақтың 3) тармақшасындағы "қаулысында айқындалған шарттарда банкпен" деген сөздер "қаулысымен белгiленген агентпен" деген сөздермен ауыстырылсын.
Қазақстан Республикасының
Премьер-Министрi